Tŭ tus tàm ƀòn dờng Điện Biên Phủ, mò Trương Thị Mai bal mờ mpồl lơh broă neh tus tăp kƀàng mờ jàu hìu Tam klăc dờng ai hìu bơnhă ồng Lò Văn Minh, ơm tàm ƀòn Co Pục, xã Hua Thanh, kơnhoàl Điện Biên in. Do là hìu bơnhă rƀah, geh rài kis kal ke, geh dong kờl 50 tơlak đong lơh hìu Tam klăc dờng. Di dơ̆ do, mò Trương Thị Mai bal mờ mpồl lơh broă neh pà 8 bơnah phan ai ală hìu bơnhă rƀah tàm xã Hua Thanh, kơnhoàl  Điện Biên in.

Kung tàm mho ngai 27/03, mò Trương Thị Mai bal mờ mpồl lơh broă mờ kwang đơng lam bồ càr Điện Biên neh lòt sền broă lơh rcang drơng ală broă lơh tơngkah kir sơnrai  70 nam tam lơh pha lin Điện Biên Phủ tàm Bơnơm A1, Ƀlàng coh pal càr Điện Biên mờ bàr pe gơl gùng drơng broă ai dơ̆ ai ling lòt tàm pơdar tàm dơ̆ tơngkah kir sơnrai mờr tus in.