VOV4.K’ho- Pơn jat tai Pơrjum gùt lơgar kơlôi sơnơng, bơsram, lam lơh jat Nghị quyết pơrjum dơ̆ 5 Ƀan Cấp hàñ Đảng dà lơgar khoă 13, drim ngai 22/7, Pơrjum iat Ủy viên Ƀộ Cíñ trị, Ƀí thư Đảng dà lơgar, Kwang atbồ Mpồl rơndap broă dà lơgar mò Trương Thị Mai yal bè Nghị quyết sồ 21 bè sơlơ gàr kơ̆ bơt bơtàu mpồl đảng mờ tơnguh bơta niam mpồl đảng viên tàm tŭ tơngai pa. Bè kơnòl broă, broă lơh tàm tơngai tus, gơ wèt tus mờ broă gàr kơ̆, sơlơ tơnguh pràn jak đơng lam bồ, bơta pràn lơh broă bơh mpồl Đảng dê, broă lơh lài ngan là tam gơl pa, lơh sir mpồl cau ală bơta mpồl Đảng. Bè 2, 3 kơnòl broă tờm lam lơh jat Nghị quyết sồ 21, mò Trương Thị Mai đơs nền, kơlôi sơnơng, lam lơh jat ngan ngồn Nghị quyết dipal mờ bơta geh ngan bơh anih lơh broă, mpồl lơh broă, càr, ƀòn dờng dê gơ jat bal mờ lam lơh jat Jơnau pơn dut sồ 21 bè bơt bơtàu, lơh niam wơl Đảng.

Cau mblàng K’Duẩn