VOV4.K’ho- Drim ngai 26/01, ồng Trần Cẩm Tú, Ủy viên Ƀộ Cíñ trị, Ƀí thư Đảng dà lơgar, Kwang atbồ Ủy ƀan sền sơ wì dà lơgar bal mờ mpồl kwang bàng neh lòt còp, nting bơr sa tềp, pà phan mpồl lam lài sơndră kòp Kovid-19 càr Quảng Bình; còp, pơn jờng mờ pà phan sa tềp ai ală hìu bơnhă geh sră dong kờl bơh dà lơgar, hìu bơnhă rƀah tàm càr. Ồng Trần Cẩm Tú đơs niam ală tă pơgồp bơh jơh ală kwang bàng, cau lơh sơnơm, cau ling, ală cau tàm mpồl lam lài sơndră kòp neh ờ ngòt bòl glar kal ke, sơrlèt gan ală bơta kal ke, siơ̆u siar nàng sơndră kòp. Di tŭ do, ồng Trần Cẩm Tú neh jàu pà phan sa tềp ai mpồl lam lài rơcang sơndră kòp Kovid-19, pà phan sa tềp ai ală hìu bơnhă geh sră dong kờl bơh dà lơgar, hìu bơnhă rƀah, kông ñân cau lơh broă tàm xã Quảng Đông, kơnhoàl Quảng Trạch, càr Quảng Bình.

Cau mblàng K’Duẩn