Do là rơndăp broă lơh adat gơ hòi gơ jà bơta sền gròi is ồn ngan bơh mpồl bơtiàn dê, tŭ tàm tơngai pa do, cau lơh tìs kă bro kòn bơnus gơlik geh kal ke, geh sơlơ gơguh, mờ ală bơta, broă lơh ngai sơlơ rơlăc rơlèo, geh ngai sơlơ uă dơ̆ kă bro kòn bơnus tàm lơgar mờ cau gơtìp aniai là cau klau.

Ală nam pa do, kờp bal pah nam lơgar he geh sền gŏ 100 dơ̆ kă bro kòn bơnus, mờ ală broă lơh bè “broă nggờc, priă nhai uă”, lam ală cau gơtìp aniai lòt gan tiah nhàr lơgar nàng rồn bơklơn lơh broă tìs mờ adat boh lam tàm lơgar ndai, kờñ rê wơl pal tơm dùl bơnah priă tơwài dờng ngan. Hala bè sơmờm bơta bau mờ cau lơgar ndai, pà ròng kòn ròng geh bơta bơh lơgar ndai, halà lòt  nhơl, còp cau pròc mhàm bal... nàng tăc cau gơtìp aniai tus lơgar ndai, rồn bơklơn lơh broă, rồn bơklơn lơh dri, tăc klung pròc.