VOV4.K’ho- Tàm 2 ngai, 28 mờ 29/3, Ủy ƀan Thường vụ Quôk hội bơyai lơh Pơrjum kwang bàng Quôk hội lơh broă sùm nàng cribơyai 4 rơndap lơh adat boh lam yal Quôk hội in tàm pơrjum dơ̆ 3, Quôk hội khóa 15.

Jat broă lơh, tàm ngai do 28/3, ală kwang bàng cribơyai 2 rơndap lơh adat, geh: Adat tam gơl, bơ tơl 2, 3 bơta bơh Adat ngui phan lơh gơlik bơh bồ tơngoh jak mờ Adat tàm pơrlòng, pà khà jờng (tam gơl). Ai rơndap lơh Adat lơma (tam gơl) mờ Adat tac Ƀảo hiểm (tam gơl) geh cribơyai tàm ngai hìng 29/3. Pơrjum geh bơyai lơh tơn pơgồp bal mờ pờ tơlik tàm internet. Ală kwang bàng Quôk hội lơh broă sùm tàm dà lơgar mờ gơ wèt mpồl kwang bàng Quôk hội ƀòn dờng Hà Nội tus bal pơrjum tàm hìu pơrjum Diên Hồng bơh Hìu lơh broă Quôk hội dê. Do là dùl broă rơcang lài kuơmàng ai pơrjum dơ̆ 3 bơh Quôk hội khóa 15 dê in kờp dŭ mut lơh tàm ngai 20/5 tus do.

Cau mblàng K’Duẩn