Tàm ală dơ̆ tìp măt tàm ală xã: Dăk Ru, kơnhoàl Dăk R’lâp; xã Dăk R’tih, kơnhoàl Tuy Đức; xã Dăk Ha, kơnhoàl Dăk Glong mờ xã Dak Drô, kơnhoàl Krông Nô, ală kwang bàng Quôk hội neh yal mờ cau tĕ khà càr Dăk Nông in bè jơnau rơcăng tơngume, broă pơrjum dơ̆ 6, Quôk hội khoă XV; iăt kơno jơnau đơs, jơnau dan, jơnau sồr bơh cau tĕ khà dê lài mờ dơ̆ pơrjum.

Cau tĕ khà ală tiah tàm càr Dăk Nông neh yal uă broă gam gơkòl, mìng tàm gah phan bơna gùng lòt, rơndăp ù tiah, lơh jăt sră pơ àr gơnoar ătbồ bè gơnoar ngui ù. Cau tĕ khà dan mờ dà lơgar sền gròi bơcri priă lơh niam gùng lòt ƀòn lơgar, ai broă lơh ai oh kòn làng bol jơi bơtiàn dùl êt nă cau in, jăt sền jơnau sơmờm tă uă ir priă bồ nam bơsram pa...Gal ngan cau tĕ khà tơngŏ nùs nhơm kơ̆p kờñ mờ dùl nùs bal ai tơl bơta nàng gờñ lam lơh Rơndăp broă lơh gùng rơndeh lòt mhar Chơn Thành (càr Bình Phước)- Gia Nghĩa (càr Dăk Nông) pơgồp bơnah lơh gơlik bơta gơn kơnờm bơtàu tơnguh lơh sa mpồl bơtiàn.