Tàm pang sră chờ gờm, Củ tịc Đảng lơgar Nga Tơrgùm dùl ồng Dmitry Medvedev tơlik nùs nhơm pin dờn, mờ bơta mờng chài cíñ trị geh uă bal mờ bơta jăk lơh broă uă, Tổng Ƀí thư, Củ tịc lơgar ồng Tô Lâm rơ̆p pơgồp bal cồng nha ai broă bơtàu tơnguh lơh sa mpồl bơtiàn mờ broă lơh broă bal mờ lơgar ndai krơi is lơgar Việt Nam dê; mờ pin dờn là bơta git gơ̆p đah Đảng Lơgar Nga Tơrgùm dùl mờ Đảng Kộng sản Việt Nam rơ̆p pơn jăt tai tơnguh rơlao tai tài bơta kwơ bơh làng bol bàr lơgar dê.

Tàm pang sră chờ gờm, Củ tịc Đảng Kộng sản lơgar Nhờk ồng Shii Kazuo kơ̆p kờñ mờ pin dờn pràn kơl dang bàr đảng rơ̆p pơn jăt tai lơh broă bal, pơgồp bal nền nòn, lơh pràn bơta git gơ̆p lơh broă bal, tìp bal, lơh nền nòn tai bơta git gơ̆p đah bàr đảng, tơnguh bơta git gơ̆p đah bàr lơgar dê. Di tàm dơ̆ do, Tổng Ƀí thư Đảng Tơnklàs Làng bol lơgar Sri Lanka, Kwang lam bồ Mpồl lơh broă mờ lơgar ndai Đảng Kộng sản lơgar Tây Ban Nha ồng Manuel Pineda, Ƀí thư dunia Đảng Kộng sản ală jơi bơtiàn Tây Ban Nha ồng Víctor  Lucas, Kwang lam bồ Mpồl Git gơ̆p dunia Đảng Tam klăc bal Làng bol Xã hội củ nghĩa lơgar Ai Cập, Ƀí thư Đảng Kộng sản lơgar Sudan ồng Fathi Alfadl kung neh pơyoa sră, hòi điện thoại chờ gờm Tổng Ƀí thư, Củ tịc lơgar ồng Tô Lâm.