Sră pơyua nting bơr gờm chờ bơh kwang đơng lam bồ kac màng lơgar Cuba dê, Đại tướng Raul Castro Ruz mờ Ƀí thư dơ̆ dùl Đảng kộng sản lơgar Cuba, Củ tịc lơgar Cuba ồng Miguel Diáz-Canel Bermudez cih: “Ala mat Mpồl duh broă Đảng Kộng sản dà lơgar Cuba, bol hi dan pơyua jơnau nting bơr gờm chờ jơh nùs di dơ̆ ồng Tô Lâm geh pồ at gơnoar broă Tổng Ƀí thư Mpồl duh broă Đảng Kộng sản dà lơgar Việt Nam”.

 Sră pơyua jơnau nting bơr gờm chờ bơh Tổng Ƀí thư Đảng Lao động lơgar Triều Tiên ồng Kim Jong-un dê cih: “Klo yal ồng Tô Lâm geh pồ lơh Tổng Ƀí thư Mpồl duh broă Đảng Kộng sản dà lơgar Việt Nam, añ dan pơyua tus ồng Tô Lâm jơnau nting bơr gờm chờ jơh nùs. Nting bơr Đảng Kộng sản Việt Nam mờ jơh gùt làng bol Việt Nam, tềng đap bơta đơng lam bồ ồng dê, rơp lơh geh uă tam gơl dờng rlau tai tàm broă lơh bơt bơtàu củ nghĩa xã hội”. Sră pơyua nting bơr gờm chờ bơh Thủ tướng lơgar Nhờk ồng Fumio Kishida dê cih: “Añ dan pơyua jơnau nting bơr gờm chờ jơh nùs ngan rlau jơh tus ồng Tô Lâm di dơ̆ ồng geh pồ at gơnoar broă Tổng Ƀí thư Mpồl duh broă Đảng Kộng sản dà lơgar Việt Nam. Añ pin dờn là, làng bol Việt Nam ngai sơlơ kơ̆ kơljap, pràn kơldang tềng đap bơta đơng lam bồ jak ngan ồng dê.