Kwang đơng lam bồ ală lơgar pơyua sră nting bơr gờm chờ Củ tịc lơgar ồng Võ Văn Thưởng
Thứ năm, 09:26, 09/03/2023
Cau mblàng K'Duẩn/ VOV
Cau mblàng K'Duẩn/ VOV
VOV4.K'Ho - Di dơ̆ ồng Võ Văn Thưởng geh Quôk hội khoă XV pồ lơh Củ tịc lơgar Việt Nam, Kwang đơng lam bồ ală lơgar mờ mpồl lơh broă dunia: Brunei Darussalam, Singapore, Hàn Quôk, Australia, Belarus, Bangladesh, Luxembourg, Nicaragua, ASEAN mờ Mpồl lơh broă sa phan sa Liên hợp quôk neh pơyua sră nting bơr gờm chờ.
Tàm sră pơyua nting bơr gờm chờ, bơtau lơgar Brunei Darussalam ồng Haji Hassanal Bolkiah đơs nền kờñ lơh broă bal jơh nùs mờ Củ tịc lơgar ồng Võ Văn Thưởng tàm tơngai tus nàng lơh niam rlau tai bơta git gơp kuơmàng đah 2 lơgar tàm jơh bal 2 gah kung bè mờ gơnoar broă là ală lơgar lơh broă bal rềp mềr tàm ASEAN.
Tàm sră pơyua nting bơr gờm chờ, Kwang atbồ lơgar Singapore mò Halimah Yacob mờ Thủ tướng ồng Lý Hiển Long pin dờn, 2 lơgar rơp pơn jat tai lơh broă bal pràn kơldang rlau tai tàm ală gah pa bè năng lượng lơh geh wơl mờ tín cỉ carbon; ai tơnggŏ bơta kơp kờñ lơh broă bal jơh nùs mờ Củ tịc lơgar ồng Võ Văn Thưởng nàng kờñ sơlơ tơnguh rlau tai bơta git gơp lơh broă bal geh kuơ bal đah 2 lơgar.
Viết bình luận