Tơngai lài, tàm xã Lát, kơnhoàl Lạc Dương, càr Lâm Đồng gơlik geh bơta ai càn priă sa priă cồng uă lơh gơ rềng tus lơngăp lơngai, rơndap tap sèng tàm ƀòn lơgar, lơh uă hìu bơnhă roh ù, roh hìu. Pơn rơ bè mò Kơ Să Ka Thêm ơm tàm thôn Dà Nghịt, xã Lát. Tài kờñ geh priă nàng kơlôi rơcang broă hìu bơnhă den tàng mò Ka Thêm geh càn bơh dùl nă cau tàm ƀòn mờ khà priă 270 tơlak đông. Mùl màl mò mìng geh dờp 170 tơlak đông, khà priă gam gơl gơtìp cau tờm dồs kờp tàm priă cồng.

Bơdìh hơ̆ tai, mò gam pal ai sră ù, sră hìu bơh hìu bơnhă dê nàng cau tờm ai càn in lơh phan kup ai càn priă. Bulah tơnơ̆ hơ̆ mò Ka Thêm neh càn ngân hàng nàng tơm jơh priă càn ai cau tờm dồs in mơya kung ờ hềt jơh dồs sơl. Tơnơ̆ hơ̆, Anih cah rơña kơnhoàl Lạc Dương sồr mò pal tơm tai cau tờm dồs in 4 tơmàn đông. Broă do neh geh ồng Phạm S, Phó Củ tịc Anih duh broă làng bol càr Lâm Đồng sồr Kwang àng kơnhoàl mhar lùp khàu, lơh loh.