Dơ̆ lơh chờ tơngkah kir sơn rai tam lơh pha lin Ngọc Hồi- Đống Đa halà gam geh hòi là dơ̆ lơh chờ Gò Đống Đa geh bơyai lơh tàm ngai 5 Sa tềp Dà lơgar pah nam nàng kah kơlôi dà kơl hề dờng màng bơh cau ling khin cha jak chài ào ƀiài Quang Trung- Nguyễn Huệ bal mờ ală kwang ling, mpồl ling Tây Sơn mờ làng bol tàm rài hơ̆ dê, neh khin cha jak chài tam lơh tam dră wơl mờ bol sò tơm sơgràm phà, sền gàr rài lơngăp lơngai bơh jơi bơtiàn dê. Do kung là dùl tàm ală dơ̆ lơh chờ bơhiàn yau dờng ngan rlau jơh bơh ƀòn dờng Hà Nội dê, lơh kah wơl ală pang kah yau kwơ màng, tam lơh pha lin pơn rơ ngan bơh jơi bơtiàn dê.

Jat tàm pang sră kah yau dê cih lời wơl nam pa Kỷ Dậu 1789, kơnờm bơta đơng lam jak chài ngan bơh cau ling khin cha jak chài ào biài Quang Trung, mpồl ling Tây Sơn neh geh dơ̆ lòt tam lơh sơr băc mhar ngan, pràn kơl dang jơh nùs ngan, tam lơh pha lin mờ 290 rơbô nă ling bol sò tơm Mãn Thanh sơ gràm phà, tơngklàs gơlang Thăng Long. Bơh hơ̆, pah dơ̆ nam pa tus, dơ̆ lơh chờ tơngkah kir sơnrai pha lin Ngọc Hồi- Đống Đa geh bơyai lơh wơl, gơ hòi gơ jà gĭt nđờ jơ̆t rơbô nă làng bol, năc lòt nhơl tus bal, lơh dơ̆ duh khoai, chu ñàng ală cau ling khin cha jak chài jơi bơtiàn mpồl ling Tây Sơn in.