VOV4.K’ho- Di dơ̆ tơngkah kir sơnrai 77 nam Ngai Sơntờm Dà lơgar Kộng hòa Xã hội Củ nghĩa Việt Nam, ndrim ngai 31/08, mpồl kwang bàng Thàñ ủy- Hội đồng Ñân zân- Củ tịc Ủy ƀan Ñân zân- Ủy ƀan Mặt trận dà lơgar Việt Nam ƀòn dờng Hồ Chí Minh bơh Ủy viên Ƀộ Cíñ trị, Ƀí Thư Thàñ ủy ƀòn dờng Hồ Chí Minh ồng Nguyễn Văn Nên lơh kwang atbồ mpồl neh tus chu ñàng, pơdơng bơkào kah rơngal Củ tịc Hồ Chí Minh mờ Củ tịc Tôn Đức Thắng.

Ồng Nguyễn Văn Nên chu ñàng kah rơngal Củ tịc Hồ Chí Minh

Tàm Bảo tàng Hồ Chí Minh- sơnĕ ƀòn dờng Hồ Chí Minh, mpồl neh jơh nùs ki ngàm chu ñàng, pơdơng bơkào kah rơngal Củ tịc Hồ Chí Minh, lời dùl phuk kun bồ kah ưn ngài dà kơl hề bơh Bác Hồ dê gơwèt mờ broă lơh kăc màng dờng màng bơh Đảng mờ jơi bơtiàn dê. Pơn jat hơ̆ mpồl neh chu ñàng, pơdơng bơkào Củ tịc ồng Tôn Đức Thắng tàm cơldŭ kah kơlôi ƀồc ồng Tôn Đức Thắng. Tàm do, ală kwang bàng lời dùl ết phuk kun bồ kah ưn ngài kwang đơng lam bồ bơh rài kông ñân, dùl krơh àng niam bè tềm pềr, song dơ pă, ai jơh nùs jơh bơta pràn drơng broă kăc màng, drơng broă làng bol.

Cau mblàng K’Hạnh