Tàm ală tiah tus còp, mpồl lơh broă neh tus lùp còp pràn kơl dang să jan, rài kis bơh ală cau ling Biên Biên mờ iăt kơno rơnàng bèp bi dê yal bè nùs nhơm tam lơh khin cha jak chài, nùs nhơm sơr lèt gan tơl bơta kal ke, bòl glar nàng pơgồp bal dà kơl hề lơh geh tam lơh pha lin “lơh gơ rề uă làm gùt ù tiah, lơh nrơ̆t jơh gùt plai ù”.

Kwang đơng lam bồ càr Dăk Lăk pà gĭt, rơnàng tŭ do sùm cih kah dà kơl hề dờng màng bơh ală kwang ling, kwang bàng, cau ling, ơruh pơnu lam lài, cau pờ gùng mờ ling klàng bol làng bol jơh gùt lơgar neh khin cha tam lơh, chơ̆t phi să tàm dơ̆ tam lơh Điện Biên Phủ. Di dơ̆ tơngkah kir sơnrai 70 nam tam lơh pha lin Điện Biên Phủ, kwang đơng lam bồ càr Dăk Lăk pơyoa jơnau gờm chờ pràn kơl dang să jan mờ bơnah phan pà tus mờ ală cau ling Điện Biên bal mờ hìu bơnhă pơn jat tai đòm jat niam nùs nhơm mpồl ling Wa Hồ, geh uă tă pơgồp nàng bơt bơtàu tiah do ngai sơlơ bơtàu tơnguh.