Lài hơ̆, mho ngai 06/05, Thủ tướng Cíñ phủ ồng Phạm Minh Chính, Duh broă sùm Ƀan Ƀí thư mò Trương Thị Mai bal mờ ală kwang bàng đơng lam bồ, lài do là kwang bàng đơng lam bồ Đảng, Dà lơgar neh lòt ơn goàng bơkàu, chu ñàng kah kơlôi, kah rơngal wơl ală cau khin cha jak chài chơ̆t màng tàm Ƀlàng tơ̆p ƀồc cau ling chơ̆t màng Dà lơgar A1 tàm càr Điện Biên.

Tổng Ƀí thư ồng Nguyễn Phú Trọng neh pơyoa goàng bơkàu nàng kah rơngal ală cau khin cha jak chài chơ̆t màng. Goàng bơkàu bơh ală kwang bàng đơng lam bồ, lài do là kwang bàng đơng lam bồ Đảng, Dà lơgar mờ mpồl lơh broă kâp dà lơgar dê cih loh “Sùm sùm kah ưn ngài ală cau khin cha jak chài chơ̆t màng”, tơnggŏ nùs nhơm gĭt ưn ngài uă ngan bơh dà lơgar, bơh làng bol dê tus ală cau khin cha jak chài neh ờ gŏ pơlai mhàm ntìng, phi să he tài lơngăp lơngai khăt gơboh is bơh Dà lơgar dê. Kung tàm mho ngai 06/05, tàm Hìu duh kah Cau ling chơ̆t màng tàm Tiah tam lơh Điện Biên Phủ, Mpồl ala măt Quân ủy Dà lơgar, Ƀộ Quôk phòng bơh Đại tướng ồng Phan Văn Giang, Ƀộ trưởng Ƀộ Quôk phòng lam bồ kung neh lòt chu ñàng, kah kơlôi ală Cau khin cha jak chài chơ̆t màng tàm Điện Biên.