VOV4.K’ho- Drim ngai 27/4, di tơngkah 47 nam Ngai tơngklàs tiah đah jum, tơrgùm dùl dà lơgar (30/4/1975- 30/4/2022), Mpồl kwang bàng Ƀan Cấp hàñ Đảng dà lơgar, Củ tịc lơgar, Quôk hội, Cíñ phủ, Ủy ƀan Mặt trận dà lơgar Việt Nam bal mờ kwang ala mat ală Ƀộ, gah broă lơh dà lơgar mờ ƀòn dờng Hà Nội neh ơn guàng bơkàu, mut tàm Gơlang còp ƀồc Củ tịc Hồ Chí Minh.

Tềng đap rùp huềng Củ tịc Hồ Chí Minh dê, Mpồl kwang bàng neh ai tơnggŏ nùs nhơm kah ưn ngài uă ngan, jơh nùs kah ưn ngài dà kơl hề dờng màng bơh Củ tịc Hồ Chí Minh dê gơ wèt tus mờ broă lơh kac màng bơh Đảng mờ jơi bơtiàn he dê. Hồ Chí Minh neh tă pơgồp jơh rài kis ai làng bol, ai dà lơgar in, tề lam Đảng he, làng bol he lơh gơs ală pha lin dờng màng ngan. Guàng bơkàu bơh Mpồl dê geh cih “Sùm sùm kah ưn ngài Củ tịc Hồ Chí Minh dờng màng”. Pơn jat hơ̆, Mpồl kwang bàng neh tus ơn guàng bơkàu, chu ñàng kah kơlôi ală cau ling khin cha jak chài chơt màng tàm Rùp mòn kah kơlôi ală cau ling khin cha jak chài chơt màng tàm gùng Bắc Sơn.

Cau mblàng K’Duẩn