Tềng đăp rùp Củ tịc Hồ Chí Minh, Mpồl Kwang bàng neh tơngŏ nùs nhơm gĭt ưn ngai ngan gĭt lơh, kun bồ kah kơlôi dà kơl hề dờng màng bơh Wa Hồ dê gơwèt mờ broă lơh kăc màng bơh Đảng mờ jơi bơtiàn he dê. Wa Hồ neh tă pơgồp dà kơl hề jơh rài kis ai làng bol, ai Dà lơgar in, tề lam Đảng he, làng bol he lơh geh ală pha lin pơn rơ ngan. Guàng bơkào bơh mpồl kwang bàng dê geh sèng akhar: “Sùm sùm kah ưn ngài Củ tịc Hồ Chí Minh dờng màng”.

Tam lơh pha lin kah yau Điện Biên Phủ sùm là bơta pơn yờ să, là bơta pràn dờng màng pơn jờng jơh gùt Đảng, jơh gùt làng bol, jơh gùt ling klàng he dê ai jơh bơta pràn pơn đơl pràn lơh ngan lơh geh pha lin Jơnau cih bơt bơtàu Dà lơgar tàm rài cơnđoà guh tus Củ nghĩa xã hội (bơtơl mờ bơtàu tơnguh nam 2011), Nghị quyết Pơrjum dờng ala mat kwang bàng gùt lơgar dơ̆ XIII bơh Đảng dê, lơh kah wơl mờ lơh geh ngan ngồn bơta kơ̆p kờñ bơtàu tơnguh Dà lơgar sơlơ bơtàu tơnguh mờ kis chờ hờp.