VOV4.K’ho- Mho mang ngai 13/6, tàm Hìu lơh broă Quôk hội, kwang đơng lam bồ Đảng, dà lơgar tìp mat ală kwang bàng Quôk hội khóa 15 là cau jak chài. Đơs tàm dơ̆ tìp mat, Củ tịc Quôk hội ồng Vương Đình Huệ đơs nền, tơngai lài, ală cau jak chài lơgar he dê là kwang bàng Quôk hội neh geh uă tă pơgồp tàm bơta bơtàu tơnguh khoa họk mờ kông nghệ, lơh sa, mpồl bơtiàn, sền gàr lơngăp lơngai, sền gàr dà lơgar bơh dà lơgar dê.

          Kwang đơng lam bồ Đảng, dà lơgar tìp mat ală kwang bàng Quôk hội khóa 15 là cau jak chài

Bè gah kơrnuat boh lam, ală cau jak chài là kwang bàng Quôk hội neh bal mờ Quôk hội jơh nùs tă pơgồp tàm broă hời rơ hời lơh sir kơrnuat boh lam, lơh jat jơnau kờñ tơnguh broă ngui, bơtàu tơnguh khoa họk mờ kông nghệ. Mờ bơta pin dờn uă ngan tàm bồ tơngoh jak, bơta pràn jak, bơta chài mờ bơta jơh nùs bơh ală cau jak chài dê là kwang bàng Quôk hội, Củ tịc Quôk hội kơp kơnờm là, bulah tàm khat dùl gơnoar broă lơi, mờ kơnòl broă bơh kwang bàng ala mat làng bol dê, mờ bồ tơngoh jak, pràn jak mờ mờng chài bơh ală cau jak chài dê; mờ nùs nhơm brồ guh bơsong kal ke bơh cau Việt Nam dê, geh pơn jat tai geh uă tă pơgồp dipal tàm bơta bơtàu tơnguh bơh rài khoa họk mờ kông nghệ dà lơgar dê.

Cau mblàng K’Duẩn