VOV4.K’ho- Di dơ̆ sơnđờm mŭt Pơrjum dơ̆ 4, Quôk hội khoă XV mờ tơngkah kir sơnrai 92 nam Ngai crơng gơs Mpồl Tam klăc cau ùr Việt Nam 20/10, mho ngai 20/10, tàm Hìu duh broă Củ tịc, Củ tịc lơgar ồng Nguyễn Xuân Phúc tìp măt ùr kwang bàng là ală ùr kwang đơng lam bồ, lài do là kwang đơng lam bồ Đảng, Dà lơgar mờ ală kwang bàng ùr Kwang bàng geh jơng tàm Đảng Dà lơgar khoă XIII, ală ùr kwang bàng Quôk hội khoă XV.

Kwang bàng đơng lam bồ Đảng, Dà lơgar tìp măt ală ùr Kwang bàng Quôk hội

Tus bal dơ̆ tìp măt geh Thủ tướng Cíñ phủ ồng Phạm Minh Chính, Củ tịc Quôk hội ồng Vương Đình Huệ, Củ tịc Quôk hội lài do mò Nguyễn Thị Kim Ngân. Củ tịc lơgar ồng Nguyễn Xuân Phúc đơs sùm, Đảng mờ Dà lơgar he sền dờng màng ngan bơtàu tơnguh mpồl ùr kwang bàng tàm ală anih lơh broă cíñ trị bơh Dà lơgar tus ƀòn lơgar, Sră nggal pơrjum dờng, Kơrnoăt Dà lơgar dê ndrờm đơs loh làng ngan tus broă do. Bơh tơl tơngai lơh broă Quôk hội, ală ùr kwang bàng sùm tơngŏ loh nùs nhơm kơ̆ dơn, bồ tơngoh ngac ngar, broă lơh jak chài bơh ală cau ùr jak ngan dê, kwang bàng ala măt bơh làng bol dê.

Củ tịc lơgar sồr, kấp ủy, gơnoar ătbồ ƀòn lơgar, ală ƀộ, ngàñ sền gròi jơh nùs jơh tồr rlau, ngan ngồn mờ geh cồng nha broă lam lơh jăt ală jơnau cih bơh adat boh lam dê bè broă lơh cau ùr, ngui niam rlau tai gơnoar broă bơh ùr kwang bàng dê tàm ală broă lơh lơh sa- cíñ trị, mpồl bơtiàn, ngan là gơnoar broă bơh ală ùr kwang bàng Quôk hội dê.

VOV/Cau mblàng Lơ Mu K’Yến