VOV4.K’ho- Mho mang ngai 25/5, tàm Hìu lơh broă Quôk hội, Kwang đơng lam bồ Đảng mờ dà lơgar tìp mat Kwang bàng Quôk hội là cau jơi bơtiàn kòn cau dùl êt nă cau khóa 15. Đơs tàm dơ̆ tìp mat, Củ tịc Quôk hội ồng Vương Đình Huệ đơs nền, Đảng mờ Dà lơgar sùm ờ tam gơl git nền tam klac dờng ală jơi bơtiàn kòn cau geh gơtha kuơmàng ngan gơ wèt mờ dà lơgar he, dùl dà lơgar tơrgùm dùl bơh 54 jơi bơtiàn kòn cau oh mi dê ơm kis bal, sùm ờ tam gơl broă bơt bơtàu broă lơh dong kờl tam klac dờng jơi bơtiàn, jat bơta ring bal, tam klac, ki ngàm mờ dong kờl gơp bơtàu tơnguh.

Củ tịc Quôk hội ồng Vương Đình Huệ kơp kờñ ală kwang bàng Quôk hội là cau jơi bơtiàn kòn cau dùl êt nă cau sền gròi kơ cế, broă lơh gàr niam lam lơh geh cồng nha ală gùng dà, broă lơh, bơta dong kờl bơh dà lơgar dê tàm tiah kơh bơnơm, tiah nhàr dà lơgar, tiah làng bol jơi bơtiàn kòn cau dùl êt nă cau; tơrgùm bơt bơtàu tiah jơi bơtiàn kòn cau dùl êt nă cau mờ tiah kơh bơnơm bơtàu tơnguh mhar bè lơh sa, niam chài, mpồl bơtiàn, kơ̆ kơljap pràn kơldang bè sền gàr lơngap lơngai, sền gàr dà lơgar, mut gơ rờm bal mờ bơta bơtàu tơnguh bal bơh gùt lơgar dê, dipal mờ gơnoar broă kuơmàng ngan bơh dà lơgar dê.

Cau mblàng K’Duẩn