Mpồl kwang bàng Thàñ ủy, Hội đồng Ñân zân, Ủy ƀan Ñân zân, Ủy ƀan Mặt trận dà lơgar Việt Nam ƀòn dờng Hồ Chí Minh, Gah đơng lam Quân khu 7, Gah đơng lam Quân đoàn 4 neh tus chu ñàng, ơn bơkàu ies còp ală Mè Việt Nam khin cha jak chài, ală cau ling khin cha jak chài chơt màng tàm ƀlàng tơp ƀồc cau ling chơt màng ƀòn dờng Hồ Chí Minh. Mpồl neh pơ dơng ơn ală Mè Việt Nam khin cha jak chài mờ ală cau ling khin cha jak chài chơt màng in ală guàng bơkàu hàng niam.

Ală kwang bàng neh lời dùl phuk kah kơlôi mờ ai tơnggŏ nùs nhơm kah ưn ngài uă ngan gơ wèt mờ dà kơl hề bơh ală Mè Việt Nam khin cha jak chài mờ ală cau ling khin cha jak chài chơt màng dê- ală cau neh phi să ai lơngăp lơngai is, khat gơboh bơh dà lơgar dê. Tơnơ̆ dơ̆ chu ñàng, ơn bơkàu, ală kwang bàng neh chu ñàng tơl bơtô ƀồc, tiah tơp mờr 14 rbô 500 nă cau ling khin cha jak chài chơt màng nàng kah ưn ngài mờ kah kơlôi.