Kwang đơng lam càr Dăk Lăk còp, tìp măt bồ nam ờ uă mpồl lơh sa kă bro
Thứ tư, 13:41, 01/02/2023
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Tàm ală ngai bồ nam pa, kwang đơng lam Tỉñ ủy, UɃÑZ, HĐÑZ mờ UɃMT Dà lơgar càr Dăk Lăk neh lơh 4 mpồl lơh broă nàng tus còp, tìp măt kwang bàng, cau lơh broă ờ uă kông ty, mpồl lơh sa tàm càr nàng lam sồr, pơlam ală mpồl lơh broă sơrlèt mờ kal ke, lơh geh cồng nha uă tàm nam 2023.
Tàm hìu măi Bièr Sài Gòn Dăk Lăk, ồng Phạm Ngọc Nghị, Phó Ƀí thư Tỉñ ủy, Củ tịc UɃÑZ càr bal mờ mpồl kwang bàng lơh broă neh tus còp tiah lơh broă, tìp măt, boh bơr mờ ală kông ñân mờ lơh broă mờ Mpồl kwang đơng lam Hìu măi.
Ala măt kwang đơng lam càr, ồng Phạm Ngọc Nghị pơn jờng mờ đơs niam broă lơh ngan sơrlèt mờ kal ke bơh Hìu măi Bièr Sài Gòn Dăk Lăk tàm nam 2022, mờ kơ̆p kờñ là mờ cồng nha neh lơh geh tàm nam pa do, Hìu măi pơn jăt tai ngui niam bơta pràn geh is, ai broă lơh sa, kă bro lơh geh cồng nha uă tàm tơngai tus.
Viết bình luận