Đơs tàm dơ̆ lơh broă, ồng Nguyễn Xuân Thắng đơs nền, càr Khánh Hoà geh ù tiah-kwơ màng, lơh sa geh kwơ màng ngan; là càr geh kơnhoàl bồt Trường Sa; geh uă bơta niam, bơta pràn bơtàu tơnguh; là mpồng pờ lik dà lềng, tiah tờm tơrbŏ bal tiah Tây Nguyên mờ Tiah jăt gah dà lềng đah jum Dà lơgar tus mờ ală tiah tàm gùt lơgar mờ ală lơgar.

Ồng Nguyễn Xuân Thắng sồr Đảng ƀộ, Gơnoar atbồ bal mờ Làng bol càr Khánh Hoà pơn jăt tai ngui nùs nhơm rơcang lài bơceh lơh, lơh mhar broă tam gơl lơh sa; tàm hơ̆ lơh sa dà lềng là bơta tờm, lòt nhơl là gah lơh sa tờm, bơtàu tơnguh pràn ală gah broă anih ơhò ơm dà lềng, tơrgùm bơtàu tơnguh pe tiah tờm là tiah pòt dà lềng Vân Phong, ƀòn dờng Nha Trang mờ tiah pòt dà lềng Cam Ranh.