Tàm sră pơyua, Kwang gơnoar cih dờng AIPA neh pơyua jơnau ưn ngài jơh nùs mờ niam ngan rlau jơh tus Quôk hội Việt Nam tài bơta dong kờl mờ lơh broă bal jơh nùs mờ AIPA mờ Mpồl Kwang gơnoar cih AIPA. Pơyua tus Củ tịc Quôk hội ồng Trần Thanh Mẫn jơnau nting bơr chờ gờm niam ngan rlau jơh di dơ̆ geh pồ lơh Củ tịc Quôk hội lơgar Kộng hòa xã hội củ nghĩa Việt Nam, Kwang gơnoar cih dờng AIPA pin dờn là, mờ mờng chài tŭ neh geh tŭ at gơnoar broă Phó Củ tịc Duh broă sùm Quôk hội, Củ tịc Quôk hội ồng Trần Thanh Mẫn rơp pơn jat tai lơh geh bơta bơtàu tơnguh rlau tai bơh Quôk hội Việt Nam dê, sơlơ tơnguh tai mờ sơlơ lơh kơ̆ kơljap rlau tai bơta git gơp lơh broă bal đah Quôk hội Việt Nam mờ AIPA, tă pơgồp ai bơta bơtàu tơnguh bal bơh tiah ASEAN dê in.