Lâm Đồng ai wơl priă bơcri lơh ală rơndap broă lơh dà lơgar lơyài tŭ tơngai mŭt lơh
Thứ bảy, 10:13, 26/11/2022
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Lâm Đồng gơtìp uă ngan kal ke tàm broă ai priă bơcri dà lơgar dê, tŭ do mìng pa lơh geh hơđơm 70% mpồl broă lơh. Ủy ƀan Ñân zân càr Lâm Đồng gam đơng lam kràñ cê jơh nùs, lam lơh ală broă lơh kràñ nàng pơnđơl pràn lơh ngan tơnguh khà ai priă bơcri lơh geh rlau 95% tàm nam do.
Nam 2022, kờp jơh broă rơndap lơh priă bơcri dà lơgar bơh càr Lâm Đồng dê geh tam pà mờ mờr 6 rơbô 500 tơmàn đong nàng lơh 350 rơndap broă lơh. Tàm hơ̆, geh 722 tơmàn đong là khà priă jŏ jòng bơh nam 2021 gam wơl. Kờp tus ngai 15/11, càr mìng pa ai geh 3 rơbô 694 tơmàn đong, lơh geh 68,5% broă rơndap lơh.
Tềng đap bơta priă bơcri dà lơgar tàm ù tiah dê ai lơyài ngan, ồng Trần Văn Hiệp, Củ tịc Ủy ƀan Ñân zân càr Lâm Đồng pà gĭt geh kràñ cê jơh nùs lơh glài kơnòl gơwèt mờ ală cau tờm bơcri priă dilah ờ lơh niam broă ai priă bơcri jat di broă rơndap lơh. Tus lồi nam, mpồl lơh broă lơi ờ ai geh priă den sồr ai wơl priă mờ ờ gŏ pà wơl tai, dờp wơl broă lơh gam lơh ờ hềt sir. Mờ kơnòl broă gơwèt mờ Củ tịc mờ Kwang atbồ ală Sở, ngàñ dê.
Viết bình luận