VOV4.K’ho- Mho ngai 07/10, Sở Thông tin mờ Truyền thông càr Lâm Đồng neh bơyai lơh cribơyai tam gơl sồ tài dùl rài kis niam bơnĕ rlau. Cribơyai lời uă tŭ jiơ sền jơnau cih tă pơgồp jơnau đơs, jơnau yal ală tơngume bè bơta kwơmàng, cồng nha mờ bơta kwơ bơh broă tam gơl sồ dê cèng wơl.

Lâm Đồng pơđơl pràn lơh ngan ơm sùm tàm mpồl lam lam lài lơh jăt tam gơl sồ

Tàm hơ̆, tơrgùm mblàng sền tam gơl sồ tàm broă lơh ătbồ priă jền dà lơgar; broă lơh gàr niam ndơ̆p jơnau yal tơngĭt jơnau, jăt sền mờ bơsong rềs àr sền gàr ndơ̆p ndơr tàm ală tŭ tam gơl sồ; sền swì jơh ală bơta bè tam gơl sồ,...Tŭ do, jơh ală xã, sơnah ƀòn, thị trấn bơh càr Lâm Đồng neh lơh mpồl măy mok sồ mpồl bơtiàn mờ kờp jơh cau tàm mpồl là rlau 4 rbô nă, 96% ƀòn geh pờ internet, mạng điện thoại ăt tê. Ală anih lơh broă Đảng mờ gơnoar ătbồ neh geh măy tíñ, tàm tơrbŏ gùng internet gơ lòt mhar...sền bal lơh geh jơnau kờñ lam lơh jăt ală bơnàng jă sồ.

Cau cih VOV Tây Nguyên- Cau mblàng Lơ Mu K’Yến