Bal mờ broă pơn jat tai ơm ing ngui ală bơta sơnơm vaccine rơcang lài kơryan kòp tàm mpồl kơnrồ nàng sền sơ wì, đal git jơnau bơh tài mờ mpồl kơnrồ dà toh gơtìp jê ndul gơ jroh, Anih duh broă làng bol càr Lâm Đồng sồr Sở Broă lơh sa mờ Bơtàu tơnguh ƀòn lơgar, Anih duh broă làng bol ală kơnhoàl Đơn Dương mờ Đức Trọng sồr mpồl lơh sơnơm phan ròng tus tơl hìu bơnhă làng bol geh phan 4 jơng gơtìp kòp nàng pơlam lơh jat ală broă lơh rơcang lài kơryan kòp. Kuơmàng, sền sơ wì, sền gròi nền nòn broă lơh sền gròi kòp bơtờp tàm broă lơh poac, ờ lời gơlik geh bơta tac gơ jă gơ jal, pơndiang kơnrồ kòp halà lơh poac phan 4 jơng gơtìp kòp tàm tiah geh kòp; sền gròi nền nòn broă pơndiang phan 4 jơng lik bơh xã, kơnhoàl, càr, ngan là gơ wèt mờ rơpu, kơnrồ, kơnrồ dà toh geh jơnau pơhìn gơtìp kòp.

Bè Anih jơnau đơs Việt Nam neh yal, git nđờ rbô nơm kơnrồ dà toh tàm 2 kơnhoàl Đơn Dương mờ Đức Trọng bơh càr Lâm Đồng dê geh tềl tơnggŏ ờ bài sa, jê ndul gơ jroh mhàm hơ̆ sồng chơt. Kờp tus ngai 09/8, anih lơh broă geh gơnoar 2 kơnhoàl neh git gŏ geh rlau 3 rbô 700 nơm kơnrồ dà toh gơtìp kòp jê ndul gơ jroh mờ rlau 100 nơm kơnrồ dà toh neh chơt.