Dơ̆ hòi jà geh lơh bơh broă lơh pờ tơlik tơn tàm internet tàm tơrbŏ mờ uă anih tàm càr. Bơh sơnrờp dơ̆ hòi jà, kwang đơng lam bồ Anih duh broă Mặt trận dà lơgar Việt Nam càr Lâm Đồng  sền jơnau hòi jà ală anih lơh broă, ală mpồl lơh broă, ală mpồl cíñ trị- mpồl bơtiàn, ală mpồl pin dờn jăt yàng, ală mpồl lơh sa kă bro mờ gal ngan kwang bàng, kông cưk, viên cưk, cau lơh broă, mpồl phàu crong, đoàn viên, cau tàm mpồl mờ ală rơnàng làng bol tàm càr đòm jăt nùs nhơm tam klăc bal, “tàm dong tàm kờñ gơboh bal mờ gơ̆p”, “dồ pèt tŭ jơgloh ndrờm mờ dồ kơnâm tŭ hờm” tàm sơmbăt tê bal dong kờl làng bol ală càr, ƀòn dờng tiah đah Tô dà lơgar gơtìp hoàc hươr tài bơh mìu càl rbŭt dờng sồ 03 lơh aniai.

Tàm dơ̆ lam lơh hòi jà tơn, càr Lâm Đồng dờp geh rlau 20 tơmàn đong priă tă pơgồp. Jơh ală priă jền do rơ̆p geh pơyua tus Anih duh broă Mặt trận dà lơgar Việt Nam in nàng dong kờl làng bol ală càr, ƀòn dờng tiah đah Tô dà lơgar gơtìp hoàc hươr tài bơh mìu càl rbŭt dờng, dà kŏ dà cò lơh aniai.