VOV4.K’ho- Drim ngai 29/08, tàm ƀòn dờng Dà Làc, Mpồl dong kờl bơsram càr Lâm Đồng mờ Mpồl ătbồ Mpồl cau jăt Yàng Phờk Việt Nam neh bơyai lơh jàu priă dong kờl bơsram mờ pà phan ai kơnòm bơsram, cau bơsram dờng rƀah bơsram jak in di dơ̆ sơnđờm mŭt nam bơsram pa 2022- 2023.

Bơdìh mờ 50 bơnah priă dong kờl bơsram, kờp priă tơl bơnah là 1 tơlak đong geh jàu ai ală kơnòm bơsram, cau bơsram dờng rƀah bơsram jak in tàm ƀòn dờng Dà Làc mờ kơnhoàl Lạc Dương, Mpồl dong kờl bơsram càr Lâm Đồng mờ Mpồl ătbồ Mpồl cau jăt Yàng Phờk Việt Nam gam jàu 200 bơnah phan pà, tàm hơ̆ geh priă măt mờ ală phan ngui sa kờñ pal geh ai kơnòm bơsram, cau kuĕt kơlte, cau jơngo mat mờ hìu bơnhă geh rài kis kal ke in. Tàm hơ̆, 50 bơnah phan pà lời ai cau kòn cau dùl êt nă cau in ơm tàm xã Phi Liêng, kơnhoàl Dam Rong, càr Lâm Đồng. Do là khà priă bơh cau geh nùs nhơm niam tàm u tiah càr dê tă pơgồp dong kờl.

Cau mblàng Lơ Mu K’Yến