Tàm hơ̆, ală tiah, anih drơng lòt nhơl bơh càr dê neh dồ ròt bal lơh niam wơl, tơnguh bơta niam phan bơna lòt nhơl bơh he dê. Bal mờ gàr tơl bơta niam ală broă drơng ala, gah lòt nhơl càr Lâm Đồng gam lam lơh broă lơh “ngai niam”, “jiơ niam”, gơ hòi gơ jà uă mpồl lơh broă, mpồl lơh sa kă bro tàm càr lơh jat mờ lam lơh ală broă lơh tơrmù giă, bè: tơrmù giă priă hìu năc, giă vĕ tus sền, pà phan lời kir sơnrai, ờ sa priă bàr pe dơ̆ lòt nhơl.... nàng gơ hòi gơ jà năc lòt nhơl.

Tơngleh niam Lòt nhơl càr Lâm Đồng nam do geh tơngume “Lâm Đồng- Tiah pơr gon bơh Bơkào mờ Đơs crih tam ya dê”, là broă lơh kwơ màng pờ gùng ai dơ̆ lơh uă lòt nhơl kàl prang nam 2024 dê. Den tàng, bơdìh mờ gàr tơl bơta niam ală phan bơna drơng broă, broă lơh atbồ Dà lơgar tàm ală gah kung gam geh ală mpồl lơh broă geh gơnoar tàm càr jơh nùs ngan lam lơh sơl.