Bơh bồ nam tus tŭ do, Kwang àng càr Lâm Đồng tơrgùm tàm broă lơh bơyai lơh lòt sền, sền sơ wì tàm ală gơl gùng tờm, ală gơl gùng ƀuơn geh broă lơh tìs, git gŏ, lơh sră lơh glài rlau 2 rbô 700 nă cau lơh tìs khà angkol. Jat đại tá Lê Văn Xuyên, kwang atbồ Cơldŭ Lơngăp lơngai cíñ trị tàm dơlam is, Kwang àng càr Lâm Đồng yal, mờ jơnau đơs ờ geh cau lơi ờ kờp, ờ geh tiah kơryan, mpồl kảñ sát gùng lòt ală mpồl lơh broă tàm càr neh kràñ cê lơh glài tơl nă cau lơh tìs.

Tỉñ ủy, Ủy ƀan Ñân zân càr kung neh geh uă ngan sră nggal sồr lơh, sồr lơh glài kràñ bè gah Đảng mờ gơnoar atbồ gơ wèt mờ ală cau lơh tìs là kwang bàng, đảng viên, công chức, viên chức, cau lơh broă bơh anih lơh broă, mpồl lơh broă, ală tiah tàm càr dê. Broă lơh glài kràñ tơl nă cau neh ñô ơlak ƀièr mơya kung gam măi rơndeh tàm gùng bơh sơn rờp neh tơnguh jơnau git wă lơh jat ală jơnau cih mờ adat lòt rê tàm gùng bơh mpồl bơtiàn dê, pơgồp bơnah tơrmù 15% khà dơ̆ rềs àr gùng lòt geh gơ rềng tus khà angkol tàm càr Lâm Đồng.