VOV4.K’ho- Ngai 10/02, Gah lùp sền càr Lâm Đồng pà git, gam pơgồp bal mờ ală mpồl lơh broă geh gơ rềng lam lơh lùp sền broă blơi phan bơna, măi mok lơh sơnơm bơh 2 mpồl tàm càr dê bơh Kông ty Việt Á.

Lài hơ̆, càr Lâm Đồng pà git, geh 2 mpồl blơi kít xét nghiệm kòp Kovid-19 bơh Kông ty kổ phần kông nghệ Việt Á dê (hòi lơyah là kông ty Việt Á) là hìu sơnơm dờng sồ 2 càr Lâm Đồng tàm ƀòn dờng Bảo Lộc mờ Anih tờm gròi sền kòp tê jê să càr Lâm Đồng. Broă blơi kít xét nghiệm do geh lơh tàm 3 dơ̆, tơngai bơh nhai 2 tus nhai 8 nam 2021, mờ kờp jơh blơi 47 rbô ƀộ kít, kờp jơh priă blơi rlau 18 tơmàn đông. Nàng lùp sền broă blơi măi mok, phan lơh sơnơm, siñ phẩm, kít xét nghiệm kòp Kovid-19 bơh ală mpồl dê geh lam lơh nền nòn jat jơnau sồr, gah lùp sền càr Lâm Đồng neh geh sră nggal sồr ală mpồl lơh broă geh gơ rềng sồr cau tus bal, mờ kung geh kơrnuat lơh nền broă lùp sền jat jơnau đơng lam mờ jơnau pơlam bơh gah lùp sền Cíñ phủ dê.

Cau mblàng K’Duẩn