VOV4.K’ho - Drim òr (12/08), tàm xã Phú Hội, kơnhoàl Đức Trọng, càr Lâm Đồng, Mpồl đơng lam rơcang sơndră mờ cau tìs, bơta ờ niam mpồl bơtiàn mờ bơ̆t bơtàu broă lơh gùt làng bol tus bal sền gàr bơta lơngăp lơngai Dà lơgar nam 2022.

                          Pơrjum ngai chờ sền gàr bơta lơngăp lơngai ờ do ờ dă mpồl bơtiàn tàm xã

Pà phan ală hìu nhă neh pơgồp bal jăk chài tàm broă gùt làng bol tus bal sền gàr bơta lơngăp lơngai dà lơgar tàm xã

Ồng Lê Tiến Châu, Phó Củ tịc, Tổng thư ký Ủy ƀan Mặt trận dà lơgar Việt Nam tus bal. Xã Phú Hội geh mờr 5 rơbô 400 hìu. Ală nam do, xã Phú Hội geh bơ̆t bơtàu sùm mờ lơh gơs ală broă sền gàr is bơta lơngăp lơngai tàm ală ƀòn, bơh tŭ hơ̆, pơgồp bal kwơ màng tàm broă sền gàr kơl jăp bơta lơngăp lơngai cíñ trị mờ ờ do ờ dă mpồl bơtiàn, mpồl bơtiàn ƀòn lơgar, geh tiah ơm kis niam ờ do ờ dă, niam bơnĕ. Tus bal pơrjum mờ geh jơnau đơs tàm ngai chờ, ồng Lê Tiến Châu, Phó Củ tịc, Tổng thư ký Ủy ƀan Mặt trận dà lơgar Việt Nam neh dờp, pơn jờng ală cồng nha neh lơh geh bơh xã Phú Hội dê tàm broă gùt làng bol tus bal sền gàr bơta lơngăp lơngai dà lơgar, mờ sồr tơnkah, xã pal pơn jăt tai tơlik broă tam gơl pa tàm jơnau git wă bal mờ broă lơh ngan uă tàm broă bơyai lơh jăt broă bơ̆t bơtàu broă sền gàr bơta lơngăp lơngai dà lơgar.

Cau mblàng Ndong Brawl