Lâm Đồng sơlơ lòt sền broă lơh sa kă bro xăng, zờu
Thứ tư, 14:20, 15/03/2023
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Ngai 14/3, Ủy ƀan Ñân zân càr Lâm Đồng ai lơh jat Jơnau lơh nền crơng gơs Mpồl lòt sền ală gah tàm broă tăc bro gơwèt mờ broă jun pơndiang, tăc bro xăng zờu nàng sơlơ tơnguh broă lơh rcang sơndră blăc pơrlồm kă bro, sơndră hoàc huơr priă dia.
Jat hơ̆, Mpồl lòt sền ală gah bơh càr Lâm Đồng dê geh gơnoar sồr rơndeh gam jun pơndiang xăng, zờu tàm ală gơl gùng tàm càr ơm ing nàng sền gròi.Tŭ sền gŏ halà pin geh tềl tơngŏ bơh broă lơh tìs mờ adat boh lam, mpồl lòt sền geh gơnoar sồr jun rơndeh mờ phan bơna rê tàm Hìu lơh broă Ci kụk Dia rềp ngan rlau jơh nàng lơh ală broă lơh ờs mờng geh gơrềng, lơh sră nggal lơh tìs mờ priă jat jơnau sồr.
Mpồl lòt sền rơ̆p lơh broă sùm jơh ngai mang, tơngai lơh jat kơnòl broă kờp bơh ngai 1/04 tus jơh nhai 12 nam 2023. Lâm Đồng tŭ do geh rlau 330 hìu ràng tăc xăng, zờu gơwèt bơta atbồ bơh 220 mpồl lơh sa kă bro gam lơh broă.
Viết bình luận