VOV4.K’ho- Ngai 26/07, Mpồl jăt sền bơh Quôk hội dê bơh Thượng tướng ồng Trần Quang Phương, Ủy viên Đảng Dà lơgar, Phó Củ tịc Quôk hội lam bồ neh geh dơ̆ lơh broă mờ Ủy ƀan Ñân zân càr Lâm Đồng bè lơh jăt tềm pềr, kơryan pơhì pơhà tơngai bơh nam 2016- 2021. Tơngai lài, Lâm Đồng neh tơrgùm ătbồ kràñ broă tă mờ dơ̆ ngui kes priă dà lơgar, gàr niam tă di, tă tơl, pleh ờ geh tă mờ tơrmù dồs dia. Mơkung gròi sền niam sơrlèt ir dơ̆ ngui kes priă dà lơgar pah nam. Tàm hơ̆, tềm pềr geh 326 tơmàn đong priă dơ̆ ngui ai broă lơh ătbồ lơh broă sră pơ àr dà lơgar in, rlau 23 tơmàn 800 tơlak đong priă dơ̆ ngui ai bơto bơtê in, rlau 23 tơmàn 500 tơlak đong priă dơ̆ ngui ai gah lơh sơnơm in...

Anih bơyai lơh dơ̆ lơh broă

Đơs tàm dơ̆ lơh broă, ala măt mpồl jăt sền, Thượng tướng ồng Trần Quang Phương, Phó Củ tịc Quôk hội cih dờp, jờng rơ ngan ală broă lơh ngan bơh càr Lâm Đồng dê tàm tŭ lơh jăt broă lơh tềm pềr, kơryan pơhì pơhà tơngai bơh nam 2016- 2021. Mơkung sồr càr pal sền gròi rlau tai tus broă lơh niam wơl lơh sră pơ àr dà lơgar, dùl mpồng- dùl mpồng tàm tơrbŏ bal, tơngkah càr Lâm Đồng pal pơn jăt tai tơrgùm kờp sền mờ bơsong ală dơ̆ broă lòt lùp, lòt yă gơrềng tus ù tiah. Sền gròi rlau tai tus bơta pràn bơta ƀươn bơh Dà Làc dê, bơtàu tơnguh phan gùng lòt pa ngan niam rlau tai, dipal mờ gùng dà bal bơh dunia dê.

Cau mblàng Lơ Mu K’Yến