Kơnờm bơh lơh jăt kràñ cê jơh nùs mờ dùl ròt bal ală broă lơh, lơh sa- mpồl bơtiàn nam 2022 bơh càr Lâm Đồng dê pơn jăt tai gàr sùm bơtàu tơnguh, lơh geh uă cồng nha kwơmàng tàm jơh ală broă. Jơh 18 broă jàu ndrờm lơh geh mờ sơrlèt pơndrờm mờ broă rơndăp lơh neh ai.

Niam ngan rlau jơh là khà gơguh lơh sa tàm ù tiah càr dê lơh geh tus 11,84%; tă dia geh 13 rbô tơmàn đong, gơguh 2 rbô tơmàn đong pơndrờm mờ broă rơndăp lơh mờ gơguh rlau 18% pơndrờm mờ nam 2021; kờp jơh priă geh bơh tăc phan mờ lơgar ndai geh rlau 886 tơlak dolar Mỹ; priă lơh geh kờp bal dùl nă cau 75 tơlak 300 rbô đong; wă rlau 7 tơlak nă năc lòt nhơl, gơguh 340% pơndrờm bal dùl tŭ mờ nam lài. Đơs tàm pơrjum, ồng Trần Văn Hiệp, Củ tịc Ủy ƀan Ñân zân càr Lâm Đồng đơs, càr geh sền gròi uă tàm broă bơ̆t bơtàu broă rơndăp lơh mờ lơh jăt geh cồng nha Kơrnoăt 23 bơh Ƀộ Cíñ trị dê mờ ală broă lơh loh làng, phan bơna loh làng.