Đơs tàm dơ̆ lam lơh, Thủ tướng đơs tờm, bơcri priă lơh gùng lòt đơs bal mờ gah gùng rơndeh ồs đơs is ờ mình là kơnòl bơh Ƀộ Giao thông Vận tải mờ gam là kơnòl cíñ trị lài ngan bơh ală càr, ƀòn dờng, ală ƀộ, gah lơh broă dà lơgar tài bơta kwơ mùl màl bơh ală càr, ƀòn dờng dê.

Tàm tơngai tus, Cíñ phủ geh pơn jăt tai đơng lam nàng kờñ lơh gơs broă rơcang bơcri priă lơh rơndăp broă lơh gùng rơndeh ồs ntoăt jờk đah Tô đah Jum, lơh ngan mŭt lơh tàm broă rơndăp lơh di mơ tơngai bơh nam 2026 tus 2030. Cíñ phủ sùm ai geh broă sền gròi, đơng lam lơh pràn nàng lơh gơs ală Rơndăp broă lơh di jăt tơngai neh geh ai, kơl jăp; di pal mờ broă kờñ tơnguh bơtàu lơh sa mpồl bơtiàn, tơnguh uă rài kis làng bol in.