Jăt Mpồl Cữ thập đỏ lơgar Việt Nam yal, geh pơgăp 4 tơlak nă kơnòm dềt ờ tơl bơta geh dờp êt ngan là bơh bàr broă drơng mpồl bơtiàn bơh sơnrờp; rlau 160 rbô nă kơnòm dềt kwĕt kơlte hơđơm 17 sơnơm kờñ bơta dong kờl bơh mpồl bơtiàn dê; rlau nggùl khà kơnòm dềt jơi bơtiàn dùl êt nă cau tàm lơgar Việt Nam là kơnòm dềt rƀah uă bơta.

Den tàng bè hơ̆, Broă lơh tă pơgồp lơh geh Kes priă “Lòt bal mờ kơnòm dềt rƀah, kwĕt kơlte” nàng kờñ hòi jà làng bol jơh gùt lơgar tàm sơm băt tê bal dong kờl priă jền nàng dong kờl phan sa, rơndeh rơndồ lòt rê, bơnhă trŭ gơm phan sa, broă lơh sàng goh dà ngui sa ai kơnòm dềt rƀah, kwĕt kơlte, kòn đời, gơtìp gơrềng tài bơh kòp dờng Kovid-19, kơnòm dềt tiah kal ke ir in, pơgồp bơnah lơh geh phan sa bơkah tơl pràn, bơta ơm kis ai ală oh in. Tơngai lam lơh Broă lơh tă pơgồp lơh geh Kes priă “Lòt bal mờ kơnòm dềt rƀah, kwĕt kơlte” bơh ngai 12/05 tus ngai 10/07/2023 do mờ 2 broă lơh dong kờl, hơ̆ là: Dong kờl bơh cih jơnau pơyua TE pơyua tus sồ 1406 (20 rbô đong dùl jơnau cih pơyua) halà Dong kờl bơh kes priă lơh broă niam is 2022.