VOV4.K’ho- Ală mpồl lơh kơphê Buôn Ma Thuột gam lam lơh dơ̆ pơrlòng Coh bŏ kơphê Việt Nam nam 2022. Do là dơ̆ sơn rờp dơ̆ pơrlòng gah bơyai lơh, kơ̆p gơn là tiah lơh broă bơh ală cau kờñ broă lơh coh bŏ kơphê, pơgồp bơnah tơnguh uă bơta bơkah kơphê coh bŏ Việt Nam dê.

Broă lơh con bŏ kơphê ngai sơlơ geh uă cau sền gròi mờ jòi gĭt

Dơ̆ pơrlòng coh bŏ kơphê Việt Nam nam 2022 geh bơyai lơh tàm bồ nhai 10 nam 2022. Cau tus bal tàm dơ̆ pơrlòng là làng bol Việt Nam bơh 18 sơnam rlau hơđang, ơm kis mờ lơh broă tàm kơnhoàl ù tiah Việt Nam dê. Ală cau tus bal pơrlòng geh pal lòt gan ală tơngume pơrlòng, tàm hơ̆ geh: Gĭt mờ gar kơphê ngui nàng lơh coh bŏ; lơh kuèng mờ măy coh bŏ, tong broă rơndap lơh coh bŏ mờ ƀảng yal wơl bơta bơkah phan bơna kơphê, lơh coh bŏ... Bơh dơ̆ pơrlòng, Ală mpồl lơh kơphê kơ̆p kờñ geh pơgồp bơnah tơnguh bơta kwơ kơphê Việt Nam dê. Tus tŭ do, Mpồl bơyai lơh neh dờp 31 sră cih dan tus bal pơrlòng. Tàm hơ̆ geh 24 nă cau pơrlòng dùl nă să is mờ 14 nă cau pơrlòng pơr lòng mpồl bal.

Cau mblàng K’Hạnh