VOV4.K’ho- Drim ngai 27/01, tàm anih lơh rơndap broă lơh gùng rơndeh ntoat răt tiah đah tô- tiah đah jum dà lơgar gơl Mai Sơn, gùng dờng 45, Ƀộ Giao thông Vận tải lam lơh srơh tàm pơrlòng Sơnam pa Ñâm Zần tàm ală anih lơh gùng lòt, geh lam lơh tus jơh ală broă lơh, rơndap broă kuơmàng dà lơgar bơh Ƀộ Giao thông Vận tải dê. Rơndap broă bơcri priă lơh gơl gùng ù gờl rơndeh ntoat răt tiah đah tô- tiah đah jum dà lơgar là rơndap broă kuơmàng bơh dà lơgar dê, geh lam lơh jat 2 tŭ tơngai. Tơnơ̆ tŭ lơh gơs, gơl gùng rơndeh ntoat răt geh gơ gơs là gùng pơndiang phan kuơmàng, tàm tơrbŏ bal mờ ală tiah lơh sa kuơmàng, pơgồp bơnah gơ hòi gơ jà bơcri priă mờ ngui uă ngan rlau jơh bơta pràn mờ bơta ƀuơn bơh ală tiah dê. Dùl nùs bal ai tơl bơnah broă lơh gơs di mờ tŭ tơngai hơ pơrgon là bơta kơp kờñ mờ bơta lơh ngan bal bơh ală cau lam lơh rơndap broă do dê. Mpồl atbồ rơndap broă Thăng Long, ală mpồl pơlam gròi sền mờ cau tờm bơcri priă lơh hơ pơrgon lam lơh srơh tàm pơrlòng mờ cih mat khà broă lam lơh bơh ală bơnah broă bơcri priă dê nàng gờñ ai rơndap broă ngui ngan ngồn, tơnguh cồng nha bơcri priă.

Cau mblàng K’Duẩn