VOV4.K’ho- Mho ngai 30/05, Mpồl lơh broă sồ 8 bơh Mpồl đơng lam dà lơgar bè rcang sơnrdă sa kwề sa kwà, ờ niam (Mpồl đơng lam) dê bơh ồng Lê Minh Trí, Ủy viên Đảng dà lơgar, Kwang atbồ Viện Kiểm sát làng bol dờng ngan rlau jơh, Ủy viên Mpồl đơng lam lơh Kwang atbồ Mpồl neh geh dơ̆ lơh broă mờ Đảng ủy Kwang àng dà lơgar nàng lam lơh jat Broă rơndap lơh sồ 18 bơh Mpồl đơng lam dê.

Lam lơh jat Broă rơndap lơh, Broă lơh sền sơ wì bơh Mpồl lơh broă sồ 8 tàm Đảng ủy Kwang àng Dà lơgar

Đơs pơn dŭt dơ̆ lơh broă, ồng Lê Minh Trí pà gĭt, jơnau kờñ dơ̆ sền sơ wì do dê là nàng sền sơ wì bơta niam, cồng nha lơh geh, ală bơta gam gơ kòl, bơta ờ niam, jơnau gơbàn tàm broă đơng lam, sồr lơh mờ lam lơh jat. Bơh hơ̆, sền gĭt, sồr lơh glài ală broă geh tềl tơngŏ lơh tìs bè sa kwề sa kwà, lơh sa, ờ niam mờ ờ hềt geh lơh glài halà là bơsong jat jơnau sồr bơh Đảng mờ adat boh lam bơh dà lơgar dê; lơh glài  halà sồr lơh glài ală broă lơh ờ niam, lơh tìs adat boh lam, pleh pồn, ờ dờp ală jơnau đơs pơn dŭt jat sền nền, lơh nền giă mờ ờ geh cơng tàng gơ jat bal;  sồr geh ală kơnòl broă, gùng dà broă lơh nàng tơnguh uă cồng nha gơwèt mờ broă lơh sền gŏ, jàu, dờp, bơsong jơnau yal bè cau lơh tìs mờ broă lơh jat sền nền, lơh nền giă.

Cau mblàng K’Hạnh