Ràng tơlik rùp “Cau ùr mờ Điện Biên” geh 3 tơngume tờm: pơgồp bơnah lơh gơs Tam lơh pha lin Điện Biên Phủ; Tài dồ Điện Biên bơtàu tơnguh mờ Điện Biên- anih pơrgòn bơh rài tơnơ̆ do dê. Do là broă lơh gơ ơm tàm dồ ròt ală broă lơh “Cau ùr gùt lơgar wèt tus hờ Điện Biên” di tơngkah kir sơnrai 70 nam Tam lơh pha lin Điện Biên Phủ nàng kờñ jờng rơ uă rlau tai ală dà kơlhề bơh ală rơnàng cau ùr Việt Nam dê tàm làm jơh gùt ù tiah Dà lơgar dê tă pơgồp dà kơlhề, tă pơgồp bơta pràn lơh gơs tam lơh pha lin Điện Biên Phủ kah yau.

Tàm mho ngai 04/03, Mpồl Tam klăc Cau ùr càr Điện Biên kung neh lam lơh srơh “Pơñiờ să Điện Biên- Cau ùr kơ̆p kờñ ngan bơtàu tơnguh” mờ lam lơh Dơ̆ pơrlòng tàm internet “Jòi gĭt 70 nam Tam lơh pha lin Điện Biên Phủ”. Dơ̆ pơrlòng sơnđờm bơh ngai 04/03 tus 30/04 bal mờ broă lơh dờng, rơ̆p gơgơs là tiah kah rơngal uă ngan bơh oh mi cau ùr, kwang bàng tàm mpồl cau ùr dê bè broă kah yau dờng màng pơnrơ ngan, bă ù bềng bơta pơñiờ să Điện Biên Phủ khin cha jak chài.