Jăt Kwang àng càr Dăk Nông yal, ală nam do, tàm ù tiah càr Dăk Nông dê neh gơlik geh uă dơ̆ broă jê nùs muăt jrùm ngan gơrềng tus phan tam lơh mòn is, bè: lòt ting cuh phan neh rlau cuh chơ̆t cau, gơsơ̆t cau, bơsong jơnau tàm gơjrañ is, tung kơñau jơtài phan bơna...Tềng đăp bơta geh ngan do, bal mờ broă lơh pràn srơh jơh gùt làng bol sền gàr lơngăp lơngai Dà lơgar, kwang àng Dăk Nông neh sơlơ tơnguh tai broă mblàng yal, hòi jà làng bol jàu is phan tam lơh mòn is, bơh hơ̆ lơh geh ală cồng nha niam ngan. Bơh nam 2022 tus tŭ do, jơh gùt càr neh hòi jà làng bol jàu is mờr 300 nơm phàu mòn is ală bơta, 4 nơm phàu ling klàng, 1 nơm phàu tàp pràn să jan, 1 nai gar năt. Bơdìh hơ̆ tai, kwang àng gam gam kŭp geh 7 phan ngui lơh phàu, 200 gràm siau phàu bơrtoh, rlau 1 rbô nai gar phàu cì.