Uă ngan cau neh cèng tus tă pơgồp ală thùng ƀùng mi, dà hùc, phan sa lơh rañ, phe, àu mpha, àu pơr đồng, dà toh nàng ơn tàm ală rơndeh 0 đông nàng pơyua rê dong kờl làng bol tiah đah tô dà lơgar. Kờp tus 8 jơ mang ngai 10/9, làng bol Dăk Lăk neh tă pơgồp geh 5 rơndeh kong goa, kờp bal tơl rơndeh mờr 20 tấn. Mang ngai 10/9, ală rơndeh do sơn đờm lòt tus tiah đah tô dà lơgar nàng jàu làng bol tàm ală càr gơtìp gơ rềng kơn jơ̆ tài dà tih in.

Nàng kờñ lơh gơlik bơta niam làng bol in, ală mpồl lơh broă niam geh ƀuơn ƀuài tàm broă jun pơndiang phan, Anih duh broă làng bol ƀòn dờng Buôn Ma Thuột sồr Mpồl Cữ thập đỏ ƀòn dờng mờ Cơldŭ Lơh broă – Cau ling sồt să mờ Mpồl bơtiàn pơgồp bal mờ mpồl gàr rơndap tap sèng tiah drà tam pà gùng rơndeh rơndồ lòt rê, phan bơna mờ ală sră pơ àr jat jơnau cih adat boh lam dê nàng rơndeh in lòt rê ƀuơn ƀuài.