VOV4.K’ho- Ủy ƀan Tam klăc Yàng Bàp Việt Nam càr Dăk Lăk pa bơyai lơh pơrjum cau ala măt cau jăt Yàng Bàp Việt Nam bơ̆t bơtàu mờ sền gàr dà lơgar càr Dăk Lăk dơ̆ 7. Càr Dăk Lăk tŭ do geh rlau 217 rbô nă cau jăt Yàng Bàp, pơrjum jơnau yàng tàm 108 hìu yàng. Lơh jăt dơ̆ lam sồr “Jơh gùt làng bol tam klăc bal bơ̆t bơtàu ƀòn lơgar pa, tiah drà jak chài bơtàu tơnguh”, làng bol jăt Yàng Bàp neh bal mờ làng bol tàm ală ƀòn lơgar jơh nùs tă pơgồp gĭt nđờ jơ̆t tơmàn đong, pà gĭt nđờ rhiang thơk vuông ù nàng lơh gùng, lơh mờ lơh niam wơl gùng lòt ală thôn, ală xã.

Ủy ƀan Tam klăc Yàng Bàp dà lơgar Việt Nam pà phan gờm chờ lơh geh cồng nha pơrjum

Uă hìu yàng, anih pơrjum jơnau yàng neh bơcri priă lơh tiah nhơl, tàp pràn să jan, cribơyai đơs crih tam ya, dong ơruh pơnu geh anih nhơl niam. Tơngai tus, làng bol jăt Yàng Bàp tàm càr jơh nùs lơh ngan dùl nùs bal tam klăc bal tàm dong kờl bal bơtàu tơnguh lơh sa, lơh pràn ală broă lơh dong kờl kòn bơnus, bal mờ làng bol tàm jơh gùt càr bơ̆t bơtàu ƀòn lơgar pas sơm niam bơnĕ mờ bơtàu tơnguh.

Cau cih VOV Tây Nguyên- Cau mblàng Lơ Mu K’Yến