Tàm uă tiah, làng bol gam lơh jơnăng duh khuai ki ngàm cun kơltang kun bồ khuài bơh ngài, dròng cing muăt tơngăc cau đơng lam bồ jơh dồ rài kis tài dà lơgar tài làng bol. Bơh àng drim gờñ, làng bol kòn cau Jrai ơm tàm ƀòn Kép, sơnah ƀòn Đống Đa, ƀòn dờng Pleiku, càr Gia Lai tơrgùm să tàm hìu pơrjum thôn, ki ngàm lơh yàng kun bồ cun kơltăng khuài bơh ngài kah pơlai ƀồc Tổng Ƀí thư ồng Nguyễn Phú Trọng. Tơnơ̆ dơ̆ bơyai lơh ies ki ngàm ngan yŭ rơyùm ngan, làng bol dròng cing muăt jrùm tơngăc cau đơng lam bồ dờng ngan rlau jơh bơh Đảng dê. Bi Ƀưn, là cau tàm mpồl cing ƀòn Kép, ngoh rơngăc đơs: Săp ntas dròng cing muăt tơnggŏ bơta jê sồt muăt jrùm ngan. Ồng Nguyễn Phú Trọng, dồ nă Kwang đơng lam bồ pơnrơ ngan bơh dà lơgar dê sang rài, làng bol ƀòn lơgar ờ geh bơta lơi rlau dan jồm jơnau cing nàng tam pà bơta muăt jrùm tơngăc ồng.

Tàm ƀòn tiah nhàr lơgar kơnhoàl Buôn Đôn, càr Dăk Lăk, bèp Hoài, Kwang ătbồ ƀòn Niêng 3, xã Ea Ñuôl, bal mờ làng bol ală jơi bơtiàn: M’Nông, Rơđê, cau Lào mờ cau dòn jăt yàng phờk tàm hìu yàng phờk Long Thọ lơh jơnăng duh khuai mờ lơh pơrjum răc dan hwìng suàn ƀồc cau đơng lam bồ bơh Làng bol dê in: Tổng Ƀí thư ndrờm bè cau bèp, cau ồng bol hi dê sơl. Bol hi kah sơnđàc ngan tŭ ồng rê mờ lơgar ƀồc. Bol hi ưn ngài ngan ồng Nguyễn Phú Trọng neh ai bol hi in rài kis tam klăc, uă bơta ai pà ai làng bol tiah kal ke tiah do in.