Tơngkah kir sơnrai 70 nam tam lơh pha lin Điện Biên phủ là broă kwơmàng bơh jơh gùt Đảng, jơh gùt làng bol mờ jơh gùt ling klàng dê nàng kờñ mblàng yal, bơto bơtê jrô ơnàng làm uă bè jơnau gơtha, jơnau tiơng pơnrơ mờ bơta kwơ kah yau bơh tam lơh pha lin “Pơneh pơnrơ làm gùt dunia, lơh rơngô jơh gùt plai ù”.

Jăt broă rơndăp lơh, Dơ̆ ai ling lòt pơdar, ai cau lòt pơdar tàm gùng tàm ală broă lơh Dơ̆ bơyai lơh tơngkah kir sơnrai dê rơ̆p geh lơh tàm ngai 07/05/2024 tàm Ƀlàng coh plai càr Điện Biên bal mờ bơta tus bal bơh uă mpồl cau dê, bè: Mpồl ling klàng, Ling klàng làng bol griăp ƀòn, Kwang àng, mpồl làng bol...Bal mờ hơ̆ là ală mpồl cau lơh hô tàm ƀlàng. Tàm Dơ̆ ai ling lòt pơdar, ai cau lòt pơdar tàm gùng digơlan rơ̆p geh 9 nơm rơndeh par duk cèng bồng bi Đảng, bồng bi Dà lơgar par tềng hơđang anih bơyai lơh tờm; 4 mpồl ling sền gàr kwang bàng; 24 mpồl ling klàng phàu crong; 9 mpồl làng bol mờ cau lòt pơdar tàm gùng mpồl đơs crih tam ya.