Bàr kwang đơng lam geh pơn dờm pơn điang bal nùs nhơm ală cau ling sơgơn glah tơlir lơgar Việt Nam dê, pơgồp bal tàm broă tơnguh mờ lơh nền nòn rơlao tai broă lơh bal niam bơnĕ đah lơgar Việt Nam mờ lơgar Australia, tàm hơ̆ uă ngan là tàm gah sền gàr bơta ring lơngai Liên hợp quốk dê.

Bơh dơ̆ sơnrờp tus bal broă sền gàr bơta ring lơngai Liên hợp quốk dê tàm nam 2014, tus tŭ do, Kụk Sền gàr bơta ring lơngai lơgar Việt Nam neh pơgồp jơnau đơs ai Đảng, Dà lơgar, Quân ủy Dà lơgar, Ƀộ Quốk phòng in ai 533 dơ̆ kwang bàng, sĩ quan ling klàng mờ 4 nă sĩ quan kảñ sát gơwèt Ƀộ Kwang àng tus bal broă sền gàr bơta ring lơngai tàm Hìu lơh broă Liên hợp quốk mờ ală mpồl kwang bàng ndai. Lơgar Australia là dùl tàm ală lơgar sơnrờp ngan kĭ sră nggal kah bal mờ lơgar Việt Nam bè lơh broă bal tàm gah Sền gàr bơta ring lơngai Liên hợp quốk tàm nam 2015, lơh tơngu me nàng lơh jăt ală tơngu me lơh broă bal mùl màl ngan mờ geh cồng nha. Chờ hờp tŭ tus còp Kụk Sền gàr bơta ring lơngai lơgar Việt Nam, ồng David Hurley đơs tờm, lơgar Australia sùm pơnyờ să lơh broă bal mờ lơgar Việt Nam tàm kơnòl broă sền gàr bơta ring lơngai Liên hợp quốk dê.