Mò Trương Thị Mai, Thường trựk Ƀan Ƀí thư, Kwang atbồ mpồl rơndăp broă Dà lơgar neh geh dơ̆ wă ồng Ha-ghi-ư-đa Ko-i-chi, Hạ nghị sĩ, Kwang atbồ mpồl Kơlôi sơnơng broă lơh mờ Mpồl kwang bàng ala măt Đảng Zân củ Tự zo lơgar Nhờk (LDP) gam còp lơgar Việt Nam. Tàm dơ̆ wă, Bàr gah ring bal đơs niam broă tơnguh bơtàu niam bơnĕ bơh bơta git gơ̆p đah bàr lơgar Việt Nam mờ Nhờk, tàm hơ̆ geh bơta git gơ̆p đang bàr Đảng Kộng sản Việt Nam mờ Đảng LDP, cri bơyai bè broă tơnguh bơtàu bơta git gơ̆p bàr lơgar tàm tơngai tus.

Mò Trương Thị Mai sồr lơgar Nhờk geh tơnguh bal bơta git gơ̆p bàr Đảng tàm bơta git gơ̆p đah bàr lơgar dê, tơnguh broă cri bơyai, lơh pràn broă lơh bal mùl màl tàm ală gah broă, pơn jăt tai ai priă ODA rài pa di pal mờ broă kờñ tơnguh bơtàu lơgar Việt Nam in; pơgồp bal tàm ală dơ̆ pơrjum uă gah mờ lơgar Nhờk kờñ bal lơgar Việt Nam geh sùm bơta ring lơngai, kơ̆ kơl jăp mờ lơh broă bal tàm dà lềng đah măt tơngai lik di jăt mờ Kông ướk bơh Liên hợp quốk dê bè Adăt dà lềng nam 1982. Đah lơgar Nhờk đơs tờm, lơgar Nhờk sùm sền kwơ lơgar Việt Nam tàm broă lơh bal mờ tiah do.