Ƀộ trưởng Ƀộ Kế hoạc mờ Đầu tư ồng Nguyễn Chí Dũng, Kwang lam bồ mpồl kwang bàng lơgar Việt Nam pa tus bal Pơrjum cri bơyai Cíñ trị kấp dờng bè tơnguh bơtàu kơl jăp bơh Liên hợp quốk (HLPF), yal ală jơnau kờñ bơtàu tơnguh kơ̆ kơl jăp nam 2023 lơgar Việt Nam dê mờ lơh broă mờ ală anih lơh broă Cíñ phủ, mpồl lơh broă, mpồl lơh sa kă bro, kes priă bơcri, tập đoàn dờng lơgar Mỹ nàng lơh pràn lơh broă bal tam gơl pa bơceh lơh mờ kông nghệ; kơlôi sơnơng, cri bơyai broă lơh mờng chài mờ hòi jà bơcri priă bè bơ̆t bơtàu anih lơh broă priă jền dunia; lam lơh mờ hòi jà bơcri priă lơh ală rơndăp broă lơh kông nghệ kao.

Jơnau yal bơh lơgar Việt Nam tàm Pơrjum neh ai tơngŏ jơnau hơ bơh lơgar Việt Nam dê pơn jăt tai tơnguh gơnoar là lơgar tàm mpồl geh kơnòl, tă pơgồp pràn tàm ală broă lơh ngan bal bơh mpồl bơtiàn dunia dê. Jơnau kờñ bơh Jơnau yal dơ̆ bàr nàng tam pà bal bè broă lơh jăt ală jơnau kờñ tơnguh bơtàu kơl jăp; ală tam gơl mờ gơguh jăk kwơ màng pơn drờm mờ dơ̆ sơnrờp; ală kal ke, bơta lòng geh ai mờ gùng dà broă lơh kwơ màng nàng lơh pràn broă lơh jăt ală jơnau kờñ bơtàu tơnguh kơ̆ kơl jăp tàm tơngai tus.