Tàm dơ̆ tìp mat, Phó Củ tịc lơgar jờng rơ bơta lơh broă bal, dong kờl bơh UNICEF dê lời ai Việt Nam in tàm mờr 50 nam do tàm broă bơt bơtàu mờ lam lơh ală gùng dà, broă lơh bè sền gròi, bơto bơtê mờ sền gàr kơnòm dềt. Kwang atbồ đơng lam UNICEF đơs nền rơp jơh nùs lơh broă bal, dong kờl Việt Nam pơn jat tai jơh nùs lam lơh Broă lơh dà lơgar Việt Nam – UNICEF tơngai bơh nam 2022 tus nam 2026 mờ gàr ngai sơlơ niam rlau tai ală gơnoar kơnòm dềt dê, ngan là bè bơto bơsram, lơh sơnơm, phan sa tơl pràn, geh ngui dà sàng goh mờ geh gàr kloh niam. Bàr gah ring bal bal mờ gơp jơh nùs sơlơ tơnguh bơta git gơp lơh broă bal đah Việt Nam mờ UNICEF nàng dong Việt Nam lơh geh uă cồng nha rlau tai tàm broă lơh sền gròi mờ sền gàr kơnòm dềt, kung bè tă pơgồp tàm ală broă lơh ngan gùt plai ù tàm gah do, dipal mờ gơnoar broă ngai sơlơ dờng bơh Việt Nam dê.